Pas dyshimeve për manipulime, fillon rinumërimi i votave në QNR
Qendra e Numërimit dhe Rezultateve i është kthyer sërish punës gjatë ditës së sotme pasi Paneli Zgjedhor për Ankesa dhe Parashtesa i miratoi si të bazuara disa nga apelet e kandidatëve dhe subjekteve politike, që morën pjesë në zgjedhjet e parakohshme parlamentare të 14 shkurtit.
Në QNR pak më parë ka filluar rinumërimi i votave të rregullta të kandidatëve për deputetë, ankesat e të cilëve janë aprovuar nga PZAP.
Ndërkohë në Qendrën për Numërim dhe Rezultate dhe sot po vazhdojnë të qëndrojnë hetuesit policorë.
