Aleksandar Vuçiq

Pas disfatës në OKB, Vuçiq e Dodik flasin për “Kuvendin e Madh ” që do ta mbajnë më 8 qershor në Beograd

Presidenti i Serbisë, Aleksandar Vuçiq dhe kreu i “Republika Srpska”, Millorad Dodik, janë takuar sot për të diskutuar rreth atij që Vuçiq e Dodik kanë vendosur ta quajnë si “Kuvendi i Madh” e që e kanë caktuar të mbahet më 8 qershor në Beograd.

Vuçiq ka shkruar se kjo ka qenë tema kryesore e bisedës dhe ka shtuar se “uniteti i popullit serb do të konfirmohet fuqishëm”.

Ky takim mes Vuçiq dhe Dodik vjen pas disfatës në Kombet e Bashkuara dhe miratimit të Rezolutës që e shpall 11 korrikun Ditë të Përkujtimit të Gjenocidit të Srebrenicës.

Ideja për të mbajtur një tubim të tillë pas seancës në OKB ka qenë e Dodikut, gjë të cilën e kishte pranuar edhe Vuçiq.