SHBA

“Para që bien nga qielli”, ëndrra bëhet realitet në New York

Para që bien nga qielli, është diçka që çdo kush mund ta ëndërrojë dhe që vështirë se mund të realizohet, por është bërë realitet në East Rutherford, një zonë e New Yorkut.

Dollarë kanë rënë nga qielli në autostradë dhe nuk ishte një film. Kartëmonedhat duket se kanë dalë nga një mjet i blinduar që transportonte para, i cili është përfshirë në një aksident, dhe menjëherë trafiku ka shkuar në kaos.

Shoferët kanë ndaluar makinat e tyre, kanë zbritur dhe kanë filluar të mbledhin paratë në asfalt, duke bllokuar qarkullimin, ndërsa përmes mediave sociale janë përhapur më pas imazhet e gjuetisë masive për dollarë.

Policia lokale thotë se tani njerëzit duhet të kthejnë paratë pas dhe se po heton për shkaqet që sollën aksidentin e më pas me incidentin me “fluturimin” e parave.