Pamjet nga kamera e trupit të luftëtarit të Hamasit shfaqin sulmin e izraelitëve në Gaza

Forcat e mbrojtjes izraelite (IDF) kanë publikuar pamjet e marra nga kamera e trupit të një operativi të Hamasit gjatë luftimeve në Jabaliya të Gazës veriore.

Anëtarët e armatosur shihen duke u zvarritur në tokë brenda një ndërtese, raporton timesofisrael.

IDF thotë se Brigada Nahal u ndesh me operativët, të cilët kishin gjuajtur raketa antitank mbi trupat e tyre.

Gjithashtu forcat izraelite kanë bërë të ditur se një dron ka kryer një sulm ndaj tyre.

Një tjetër anëtar i celulës u vra ndërsa në trupin e tij u gjet kamera me pamjet që i publikoi IDF.

Ndryshe, Izraeli ka nisur një kundërsulm ndaj Hamasit pasi ky i fundit kreu një sulm terrorist më 7 tetor në territoret izraelite.