Cristiano Ronaldo po përgatitet të hapë më në fund hotelin e tij në Madrid me 168 dhoma po aq luksoze sa sipërmarrjet e tjera të yllit të Juventusit.
CR7 Gran Via do të jetë hoteli i tretë i Ronaldos nën markën Pestana, duke iu bashkuar vendeve në Lisbonë dhe në Funchal e Madeira.
Hoteli i ri i Madridit do të hapej qershorin e kaluar megjithëse ishte shtyrë për shkak të pandemisë së coronavirusit.
Ish- futbollisti i Manchester United tani ka hapur dyert për të gjithë, me hotelin që ofron disa pamje mahnitëse të cilat tashmë janë prezantuar edhe nga partnerja e tij, Georgina Rodriguez.
Ajo postoi një çast në rrjetet sociale në çatinë me pamje nga horizonti i mrekullueshëm i Madridit.
“Urime Cristiano për hapjen e këtij hoteli të ëndrrave, në zemër të Madridit”, shtoi ajo.
“Unë jam shumë e emocionuar për atë që jeni duke realizuar, me kaq shumë përpjekje dhe guxim”.
Brenda hotelit të ri të Ronaldos (Foto: Getty Images)







