Pal Lekaj sfidon Hekuran Muratin dhe Liburn Aliun: Le të nxjerrin veç një faturë për shpronësim

Ish-ministri i Infrastrukturës, Pal Lekaj i AAK’së, ka sfiduar ministrat Hekuran Murati dhe Liburn Aliun.

 Lekaj foli lidhur me autostradën Kievë – Zahaq, ku tha se nuk ka pasur asnjë shpronësim të tokave.

 Madje Lekaj i sfidoi ministrat duke thënë le ta nxjerrin vetëm një faturë të shpronësimit si argument.

“Po e sfidoj Muratin dhe Aliun, le ta ia prezantojë qytetarëve një faturë që ka përfunduar pagesa e shpronësimit, atëherë ne jemi duke e mashtruar opinionin”, është shprehur Lekaj në emisionin DPT te Fidani në T7.

“Asnjë pagesë për asnjë pronë nuk është bo për autostrdën Kievë – Zahaq”, shtoi Lekaj.

Tutje, ish-ministri tha se është i gatshëm të ballafaqohet me këto lidhur me këtë cështje.

“I gatshëm jam të ballafaqohem me të kudo”, shtoi Lekaj.