Pal Lekaj, për Paktin e Korrupsionit të Kadri Veselit: Ka mundur ta bëjë në dy mandatet e kaluara
Ministri në detyrë i Transportit dhe Infrastrukturës, Pal Lekaj, është i ftuar në emisionin DPT Te Fidani në T7.
Lekaj ndër të tjera në këtë takim ka folur edhe për nismën e Kadri veselit që të nënshkruajë paktin kundër korrupsionit.
“Kur jemi te korrupsioni më çuditi fakti se si partitë politike tentojnë të bëjnë marrëveshje që të luftojnë korrupsionin. Ne duhet respektuar ligjet që në mënyrë kontinuale të luftohet korrupsioni, sot po mundohen të mashtrojnë qytetarët duke u shtirur kinse po bëjnë diçka. Për herë të parë në Qeverinë Haradinaj janë stimuluar gjyqësori, janë rritur rrogat e prokurorëve dhe gjyqtarëve dhe vetëm institucionalisht mund të luftohet korrupisoni”.
Ndërsa për vendimin e ish-kryeparlamentarit Veseli specifikisht, Lekaj përgjigjet në këtë mënyrë.
“Brenda natës tani del e thotë se do luftojë korrupsionin. Mendoj se këtë ka mundur të e bëjë në dy apo tre mandatet e kaluara kur ka qeverisur”.
