Pacolli ndjek shembullin e liderit të saj, jep gjysmën e rrogës në luftimin e pandemisë
Deputetja e Lëvizjes Vetëvendosje, Fitore Pacolli ka bërë të ditur se e ka ndarë gjysmën e pagës së saj, si ndihmë financiare për luftimin e koronavirusit në vend.
Pacolli ka shkruar në Facebook se i është bashkuar nismës së kryeministrit dhe kolegëve deputetë, duke ndarë gjysmën e pagës.
“Në këtë situatë emergjente shëndetësore shteti ka nevojë për ndihmën e secilit nga ne. Ne mund të ndihmojmë duke qëndruar në shtëpi e duke respektuar rregullat, e për ne që kemi sado pak mundësi edhe duke ndarë një shumë modeste për fondin e Qeverisë së Kosovës.
Asnjëherë më shumë si shoqëri se këto ditë të vështira nuk e kemi ndier nevojën për një sistem të zhvilluar publik shëndetësor”, ka shkruar ajo.
