Pa pikë problemi, qytetari vozit në kahje të kundërt të autostradës “Ibrahim Rugova”
Të shumta janë rastet kur qytetarët rrezikohen gjatë pjesëmarrjes në komunikacion.
E një rast i ngjashëm ndodhi gjatë ditës së sotme në autostradën “Ibrahim Rugova”.
Drejtuesi i veturës së tipit “Mercedes” po voziste në drejtim të kundërt të rrugës, duke rrezikuar veten dhe pjesëmarrësit e tjerë në trafik.
Në një video të dërguar në lajmi.net shihet qartë se si i njëjti madje në shpejtësi mjaftë të madhe po drejtonte makinën në drejtimin e kundër të autostradës.
Vozitja në kahjen e kundër mund të jetë me rrezik të fatalitetit për shumë drejtues të automjeteve që mund të ndeshen me të.
