Osmani në ShBA takohet me kongresmenin amerikan Eliot Engel

Kandidatja për kryeministre nga radhët e LDK-së Vjosa Osmani gjatë qëndrimit në Shtetet e Bashkuara të Amerikës është takuar me shumë personalitete të jetës politike atje.

Sot Osmani është takuar edhe me kongresmenin Eliot Engel që është edhe kryetar i Komisionit për Punë të Jashtme në Dhomën e Përfaqësuesve.

Takimin me Engel Osmani e ka bërë të ditur nëpërmjet rrjetit social Facebook.

Postimi i Osmanit:

Në takim me Kongresmenin Eliot Engel, Kryetar i Komisionit për Punë të Jashtme në Dhomën e Përfaqësuesve. Kosova është me fat që ka miq të mëdhenjë në Kongresin e Shteteve të Bashkuara, të cilët kurrë nuk u ndalën së përkrahuri popullin tonë.