Presidentja Vjosa Osmani ka pritur sot në takim emisarin special të Sllovenisë për Ballkanin Perëndimor Anzhej Frangesh, me të cilin ka biseduar mbi zhvillimet e fundit në vend dhe rajon, dialogun me Serbinë, si dhe për raportet bilaterale Kosovë-Slloveni.
Osmani ritheksoi se Sllovenia është mike dhe aleate e fuqishme e Kosovës, ndaj i shprehu mirënjohje për mbështetjen e vazhdueshme në forcimin e pozitës ndërkombëtare të Kosovës.
Në këtë frymë, presidentja Osmani shtroi nevojën e vazhdimit të mbështetjes sllovene për anëtarësim në BE, NATO, sikurse edhe në organizata ndërkombëtare.







