Olluri: Acarim raportesh në koalicion, Kurti – Gërvallës, ‘Të shkarkoj si Agim Veliun’
Drejtori i Gazetës Insajderi, njëherit analist politik, Parim Olluri, ka deklaruar se ka krisje mes koalicionit qeverisës VV-Lista GUXO.
Përmes një postimi në rrjetin social Facebook, Olluri ka treguar sipas tij arsyen se përse kryeministri i Kosovës, Albin Kurti, nuk e mori me vete kryediplomaten, Donika Gërvalla Schëarz, në udhëtimin zyrtar drejt Francës.
Sipas analistit, ka acarim raportesh mes kryeministrit dhe ministres së Jashtme dhe komunikimi i tyre i fundit ka qenë kërcënimi “Të shkarkoj si Agim Veliun”.
“Komunikimi i fundit mes kryeministrit dhe kryediplomates ka qene kercenimi “Te shkarkoj si Agim Veliun”. Kjo eshte krisja me madhe deri me tash mes koalicionit qeverises VV-Lista Guxo.”, ka shkruar Olluri në Facebook.
Kujtojmë se në vizitën e fundit zyrtare të kryeministrit, ku u prit në Paris nga presidenti francez, Emmanuel Macron, Kurti ishte i shoqëruar nga dy zëvendëskryeministrat, Besnik Bislimi dhe Emilja Rexhepi.
Ky është postimi i plotë i Ollurit:
Albin Kurti nuk e mori me vete kryediplomaten Donika Gervalla ne takimin me presidentin Macron.
Pse?
Sepse komunikimi i fundit mes kryeministrit dhe kryediplomates ka qene kercenimi “Te shkarkoj si Agim Veliun”.
Kjo eshte krisja me madhe deri me tash mes koalicionit qeverises VV-Lista Guxo.
