Pagat

Oda e Mjekëve dhe Dogana e Kosovës të pakënaqur me Ligjin për paga

Komisioni për Administratë Publike, Qeverisje Lokale dhe Medie në dëgjimin publik ka diskutuar pagat për zyrtarët publikë.

Naser Gjonbalaj nga Oda e Mjekëve të Kosovës tha se profesionistët mjekësor duhet t’u takojnë shërbyesve publik dhe jo atij civil, raporton EkonomiaOnline.

“Në këtë ligj nuk janë të futur profesionistët shëndetësor, nuk janë të trajtuar fare edhe pse ligji për shëndetësi thotë se profesionistët shëndetësor nuk u takojnë shërbyesve civil, por shërbyesve publik”, tha Gjonbalaj.

Blerim Krasniqi nga Dogana e Kosovës kërkoi që të konsiderohen njëjtë si zyrtarët e Policisë së Kosovës pasi që sipas tij kanë pothuajse të njëjta kompetenca dhe të njëjtat detyrime.

“Kërkesa jonë duke qenë se kompetencat, fuqitë ligjore, detyrimet, luftimi i kontrabandës etj., janë të njëjta me të policisë, dhe ne propozojmë që tek neni 3 t’u shtohet zyrtarëve të policisë bashkë me zyrtarët e doganës”, tha Krasniqi.