Koronavirusi

OBSH-ja aprovon vaksinën “Moderna” për përdorim emergjent

Organizata Botërore e Shëndetësisë e ka renditur vaksinën anti-COVID “Moderna” për përdorim emergjent, dhe i mbetet në dorë vetë vendeve që ta miratojnë për të dhënë doza.

Ndihmës drejtori i përgjithshëm i OBSH-së, Mariangela Simao, ka thënë se ishte e rëndësishme që të kishte më shumë vaksina në dispozicion për shkak të problemeve të furnizimit me vaksinat e tjera, përfshirë nga India, një burim kryesor i vaksinave për programin global të ndarjes së vaksinave Covax. India ka kufizuar eksportet për shkak të një krize infeksionesh me koronavirus.

Moderna njoftoi këtë javë një plan zgjerimi për rrjetin e saj të prodhimit për të rritur kapacitetin e saj deri në tre miliardë doza në vitin 2022.

Grupi Këshillimor Strategjik i OBSH-së i Ekspertëve për Imunizimin (SAGE) tashmë në janar kishte rekomanduar vaksinën Moderna për personat mbi 18 vjeç.

Organizata shëndetësore me bazë në Gjenevë po shqyrton ende vaksinat anti-COVID nga kompanitë kineze Sinopharm dhe Sinovac pas një rishikimi të zgjeruar, me vendimet që priten në fund të javës tjetër.