Nuk po luan te Chelsea, Interi monitoron situatën e Giroud
Sulmuesit francez, Olivier Giroud, i është sosur durimi për faktin që nuk po luan te Chelsea, pasi Frank Lampard ka zgjedhje të tjera parësore për repartin e avancuar.
Në një prononcim të fundit e ka bërë të qartë se e ardhmja e tij, nëse situata nuk ndryshon, do të jetë larg “Stmaford Bridge”:
“Nëse do të jem i detyruar, do të largohem, sikurse veprova kur isha tek Arsenali.”
Për këtë motiv, sikurse njofton “Tuttosport”, Interi e ka shënuar si objektiv të merkatos sulmuesin francez. Ka qenë Antonio Conte ai që e mori te Chelsea në janar të vitit 2018, 6 muaj para se të largohej nga drejtimi i bluve të Londrës.
Trajneri italian i zikaltërve e çmon shumë shumë si futbollist dhe në fakt i kujton stilin e lojës së Edin Dzekos, të cilin Interi dështoi t’ia “rrëmbente” Romës gjatë merkatos së verës. Afrimi i Giroud në janar do të kushtonte pak dhe Conte do të kishte në dispozicion një lojtar i cili u përshtatet skemave të tij.
