Përplasja
Nuk ishte në dijeni, Amos Zaharia mëson ‘live’ në emision për konfliktin fizik të motrës së tij dhe Princ Lekës
Pasditen e djeshme në Oborrin Mbretëror u shënua një incident i cili mblodhi vëmendjen e opinionit publik. Ngjarja e përfshiu Princ Lekën dhe ish-bashkëshorten e tij, Elia Zaharia, dhe u paraqit si një përplasje fizike e raportuar në media.
Princ Leka, sipas burimeve, ka qenë aty për të vizituar vajzën e tij, por situata ka degraduar në një shkëmbim të ashpër fjalësh dhe një përleshje, ku edhe ish-vjehrri i tij është përfshirë.
Për të marrë një qëndrim zyrtar lidhur me këtë ngjarje të papritur, ‘Jetë Shqiptare’ ka kontaktuar Amos Zaharinë, vëllain e Elias. Aktori dhe regjisori Amos Zaharia, i cili aktualisht ndodhet në Prishtinë për angazhime profesionale, është shprehur i befasuar kur është informuar nga gazetarja për incidentin.
Në një bisedë me gazetaren, Zaharia ka pohuar se nuk është në dijeni të asaj që ka ndodhur dhe se nuk është pozicioni i tij të komentojë ngjarjen.
Kur gazetarja e pyet për reagimin e tij ndaj raporteve të një përleshje fizike që ka përfshirë babain e tij dhe Princ Lekën dhe të cilat kanë çuar në akuzat reciproke dhe kallëzime policore, Zaharia përsërit se nuk është në gjendje të japë deklarata për një situatë që nuk e ka përjetuar personalisht dhe për të cilën nuk ka informacione të mjaftueshme.
Ky qëndrim i Amosit ka lënë të habitur shumë njerëz, duke qenë se si një person i afërt me të motrën – pritej që të ishte në dijeni të ngjarjes.
