Mark Voyager
“Nuk do të ishte befasi nëse Putini qëndron pas aksidentit”: Ish-këshilltari ushtarak amerikan për rrëzimin e aeroplanit të Prigozhinit
Ish-këshilltari special ushtarak amerikan Mark Voyager tha për Sky News se “nuk do të ishte befasi” nëse pas aksidentit ajror ku vdiq Yevgeny Prigozhin qëndronte Vladimir Putin.
“Nuk duhet harruar se zhdukjet apo largimet e disa prej armiqve të Putinit ndër vite kanë qenë të lidhura me përplasje të dyshimta avioni”, tha Mark Voyager për Sky News, transmeton Ballkani.info.
Ai përmendi vdekjen e gjeneralit Aleksandar Lebed si shembull për këtë.
Guvernatori i provincës Krasnoyarsk vdiq në rrëzimin e një helikopteri Mi-8 në afërsi të Abakan në 2002.
Në atë kohë, një anëtar i parlamentit rus tha se aksidenti mund të ishte shkaktuar nga sabotimi.
“Para kësaj, ai kandidoi për president dhe kritikoi luftën çeçene që filloi Putini”, shpjegoi Voyager.
Ai tha se njerëzit duhet të jenë të vetëdijshëm se sa shpejt Rusia po përpiqet të marrë kontrollin e perandorisë luftarake të Prigozhinit dhe aseteve financiare.
“Në hapat e Kremlinit dhe regjimit të Putinit, ne do të dimë se në çfarë mase ata e dinin për këtë dhe ishin të gatshëm,” tha ai. /Ballkani.info/
