Një prej emrave më të njohur të shoqërisë civile i bashkohet LDK-së
Lidhjes Demokratike të Kosovës pritet t’i bashkohet nesër Visar Azemi, aktualisht drejtor i Balkan Green Foundation.
Gazeta Express mëson se Azemi pritet që kalimin e tij në LDK ta bëjë nesër rreth mesditës, të cilin do ta pres dhe prezantojë kryetari i partisë, Lumir Abdixhiku.
Azemi ka qenë pjesë e shoqërisë civile për një kohë të gjatë, duke avokuar kryesisht për energjinë e ripërtërishme dhe të dekarbonizuar.
Azemi ka qenë pjesë dhe një ndër themeluesit e partisë Fryma e Re. Pas shuarjes së partisë, ai kishte kaluar në shoqërinë civile dhe gjatë këtyre viteve ka mbetur pjesë e saj.
