Një turist kosovar, i cili kishte shkuar për pushime në qarkun Alanya të Antalisë në Turqi, ka humbur jetën në det tash në përfundimin e sezonit veror.
Mediat turke raportojnë se kosovari që ka humbur jetën është Gjevdet Brahaj, 53 vjeçar, i cili i ishte bashkuar një turneu me jaht në det, transmeton Ballkani.info.
Të pranishmit e tjerë aty afër, pak kohë më vonë e kishin parë kosovarin Gjevdet Brahaj të palëvizshëm në det.
Ai kishte ndërruar jetë rrugës për në spital.
Në Institutin e Mjekësisë Ligjore të Antalisë ishte bërë autopsia e Brahajt, ndërkaq kufoma e tij me ndihmën e konsullatës kosovare po dërgohet me avion në Kosovë.







