Fshati Kuklibeg

Një i ri nga Opoja kërcënon publikisht Tërnavën dhe institucionet: Ne muslimanët mund t’iu marrim në qafë krejt juve, qafirave! VIDEO

Qeveria e Kosovës në bashkëpunim me Bashkësinë Islame të Kosovës kanë vendosur që xhamitë të qëndrojnë të mbyllura për festën e Kurban Bajramit.

Kjo ka ndodhur në funksion të parandalimit dhe luftimit të virusit Korona.

E kjo si duket e ka irrituar dikë. Një video është publikuar në Facebook dje nga një përdorues me emrin Jakubi Jakub.

Ai në këtë video thotë se qendrat tregtare janë përplot njerëz por xhamitë po qëndrojnë të mbyllura.

Ai thotë se është nga fshati Kuklibeg i Opojës (Dragashit) dhe ndër të tjera, ai ka kërcënuar se mund t’i marrin në qafë të gjithë “qafirat” që ndaluan që namazi i bajramit të falet nëpër xhami.

“Ju kishim lutë mos i nënqmoni, mos i provokoni muslimanët sepse janë të vetmit që mund ta japin jetën për Allah dhe t’iu marrin në qafë juve, krejtve qafirave”, shprehet Jakubi Jakub.