Një femër në Prizren ka tentuar të kryejë një vjedhje në një barnatore në këtë qytet, por është kapur nga Policia.

Femra e moshës 30-vjeçare ka hyrë në barnatore e maskuar dhe me një armë lodër, me qëllim ta grabitë këtë dyqan, por nuk ja ka dalë.

Rastin e ka konfirmuar për Reporteri.net, Policia e Kosovës në Prizren.

“Rreth orës 19:30 një viktimë ka raportuar se në barnatoren e saj një femër e dyshuar, e maskuar dhe me armë lodër në dorë ka tentuar të kryejë një grabitje në barnatoren e saj. Policia ka interevenuar dhe ka ndaluar të dyshimtën e lindur më 1990”, ka thënë zëdhënësi i Policisë për Rajonin e Prizrenit, Shaban Osmanollaj.

Ai më tej ka thënë se arma lodër është sekuestruar dhe e njëjta është ndaluar në stacionin e policisë në Prizren.