Nis sezoni i ri i NBA, Stephen Curry shkëlqen me Warriors, fitojnë edhe Celtics
Nis sezoni i ri i NBA, që pa si protagonistë mbi parket kampionët në fuqi të Golden State Warriors përballë Oklahoma City Thunder dhe Boston Celtics që u përballën me Philadelphia 76ers.
Pac ceremonisë së dorëzimit të unazave të kampionit për arritjen e sezonit të kaluar, skuadra e drejtuar nga Steve Kerr nisi mbrojtjen e trofeut përballë Thunder, duke triumfuar me rezultatin 108-100.
Edhe pse kundërshtarët nga Oklahoma nuk kishin në dispozicion Russell Wesbrook për shkak të problemeve fizike, ata i vunë në vështirësi vendësit, teksa në mesin e periodës së tretë morën avantazhin 66-69.
Pikërisht në këtë moment situatën e mori në dorë Stephen Curry, që ktheu rrjedhën e ndeshjes në favor të Warriors, i ndihmuar në periodën e fundit edhe nga saktësia e Looney-t dhe Kevin Durant. “Ylli” i Golden State e mbylli takimin me 32 pikë, 9 asiste dhe 8 rikuperime, ndërsa Durant shtoi 27 pikë të tjera për Warriors. Për Thunder spikati Paul George po me 27 pikë, por që rezultuan të pamjaftueshme për të shmangur humbjen.
Nuk e diskutuan në asnjë moment suksesin Boston Celtics ndaj 76ers (105-87). E nisën disi me ritëm të ulët, por duke ardhur gjithmonë në rritje të besuarit e Brad Stevens, me 76ers që rezituan pak, duke u kënaqur vetëm me debutimin e Ben Simmons, që shënoi 19 pikë dhe kontrolloi 15 topa poshtë koshit, dhe me 23 pikët e 10 rikuperimet e Joel Embiid.
Celtics krijuan shkëputjen vendimtare në periodën e tretë falë lojës së mirë të Marc Morris, që e mbylli takimin me 16 pikë dhe 10 rikuperime, ndërsa më efikasi për Bostonin rezultoi Jayson Tatum me 23 pikë.
