Deputeti i LDK-së, Anton Quni së bashku me gruan e tij, Mirjanën kanë udhëtuar për në Itali, ku kanë takuar ditën e sotme, Papa Leo XIV.

Quni këtë takim a ka cilësuar si përvojë të thellë shpirtërore dhe frymëzuese.

”Kjo ishte një përvojë e thellë shpirtërore dhe frymëzuese. Energjia e tij e qetë dhe urtësia që ndau me ne e bënë këtë takim vërtet të veçantë. Ndihemi të bekuar dhe thellësisht mirënjohës për këtë mundësi të jashtëzakonshme dhe për bekimet e tij.” ka shkruar ai në rrjetet sociale.

Në fotografitë e shpërndara në Facebook, shihet se gjatë takimit ai i bëri Papës një dhuratë që mbante fotografin e presidentit historik, Ibrahim Rugova.