Nga 17 deri 29 maj, stërvitjet “Defender Europe 21” realizohen në Kosovë

Kosova është në mesin e 16 vendeve të botës, ku do të realizohen stërvitjet për ushtrimin ushtarak ”Defender Europe 21”.

Në një konferencë për media, ministri i mbrojtjes, Armend Mehaj, ka thënë se kjo është një ngjarje e rëndësishme e Kosovës dhe se tregon partneritetin që Kosova ka me SHBA-në.

Mehaj ka thënë se ushtrimin  do të zhvillohet prej 17 maj deri 29 maj. Kjo është hera e parë që një ushtrim i madh zhvillohet në vendin tonë.

“Është stërvitje më e madhe që zhvillohet në rajon. Është e rëndësishme që Kosova është në mesin e 16 vendeve të kësaj stërvitje. Ushtrimi përqendrohet në ndërtimin e gatishmërisë operacionale. Defender-Europe ka natyrë mbrojtës edhe në rast krizash”, ka deklaruar Mehaj, raporton EO. “Kjo stërvitje ka ndikim të jashtëzakonshëm në mjedisin rajonal dhe përkushtimin ku në mesin e tyre është edhe Kosova. Stërvitja Defender na ofron mundësi që të përgjigjemi në çdo lloj krize. Pjesëmarrja e Kosovës  dëshmon siguri edhe më gjerë. FSK-ja është duke u zhvilluar në një forcë ndërvepruese dhe me forcat aleate fuqizon rrugën për në aderimin në NATO”, u shpreh ai.

Komandanti i FSK-së gjenerallejtënant,  Rrahman Ŕama, tha se Kosova do të marrë pjesë me 330 ushtarë, ku do të jetë pjesë e ushtrimeve së bashku me Kroacinë dhe Shqipërinë.

“Ne jemi në procesin e tranzicionit dhe bashkëpunimin që kemi me partnerët tanë strategjik. Kemi marrë pjesë edhe në shumë stërvitje dhe operacione që kanë qenë të spozorizuara nga ShBA. Secili shtete të këtij ushtrimi janë mbi 28 mijë ushtarë që marrin pjesë Forca e Sigurisë do të jetë me 330 veta. Objektivat kryesore të këtij ushtrimi janë ngritja e zhvillimit, aftësimi i ekipeve tona. Ne do të jemi pjesë e ushtrimeve në Kroaci dhe Shqipëri. Ushtrimi do të jetë i fokusuar në aeroportin e Gjakovës me 17 deri me 29 maj”.