Nesër Oliver Varhelyi vjen në Kosovë, diskuton për vaksinat kundër Covid-19
Nesër komisionieri Evropian për Fqinjësi dhe Zgjerim, Oliver Varhelyi, do ta vizitojë Kosovën.
Ai do të takohet me përfaqësues të institucioneve për të diskutuar rreth çështjes së vaksinave anti-Covid.
Për vizitën e tij, ka njoftuar vetë ai përmes një postimi në Twitter.
“Do të udhëtoj drejt Ballkanit Perëndimor për të përçuar mesazh të qartë: Ne kujdesemi! Ne kujdesemi për partnerët tanë dhe kujdesemi për punëtorët e tyre shëndetësorë dhe ata më të rrezikuarit. Shpërndarja e vaksinave konfirmon përkushtimin tonë të vazhdueshëm për të ofruar përkrahje, siç kemi bërë që nga shpërthimi i pandemisë”.
Ai së fundi ishte edhe në Serbi ku iu bëri thirrje të gjithë qytetarëve që të vaksinohen dhe theksoi se Bashkimi Evropian dëshiron të ndihmojë rajonin të fitojë qëndrueshmëri