Nëse e shihni këtë person, lajmërojeni menjëherë Policinë e Kosovës

Drejtoria Rajonale e Policisë në Ferizaj, kërkon bashkëpunim nga qytetarët, për identifikimin dhe vendodhjen e Adil Krasniqit.

Ai është i dyshuar për disa vepra penale dhe ka fletërreshtim nga Prokuroria Themelore në Ferizaj, për vepër penale të “Grabitjes se armatosur” por, që deri më tani i njëjti nuk është paraqitur në polici dhe është në arrati.

Personi i kërkuar është Adil Faik Krasniqi, i lindur me 17.02.1986 , adresa rr,,Murat Xhakaj’’-Kolevicë e Re- Prishtinë .

Policia njofton se ai është i armatosur dhe i rrezikshëm për shoqërinë.

“Policia kërkon nga qytetarët që, kushdo që ka ndonjë informacion rreth këtij personi të lajmërojnë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdetarë : 192 ,0290/326-250 & 0290/322-406

Të dhënat e juaja do të ruhen në konidencialitet të plotë”, thuhet në njoftimin e PK-së.