Nëntë mësimdhënës në Malishevë kanë fituar betejën gjyqësore me këtë komunë.

Rreth 79 mije euro është shuma që këta mësimdhënës do t’i marrin për periudhën 2015-2016, kur ata kishin punuar në Qendrën e Kompetencës në Malishevë, por për të cilën punë nuk ishin paguar.

Sipas një vendimi të Gjykatës Themelore në Gjakovë, secili prej këtyre mësimdhënësve do të marrë rreth 6 mijë euro kompensim për këto pagesa.

Në Drejtorinë e Arsimit thonë se e gjithë kjo situatë ishte krijuar për shkak të mossqarimit të kompetencave mes Agjencisë për Aftësim Profesional dhe Komunës së Malishevës.

Megjithatë, zyrtarë të Komunës thonë se ata ende nuk e dinë se si do të ndahen këto mjete për këta mësimdhënës.

Opozita në Malishevë po konsideron se vendimi i Komunës për punësimin e këtyre mësimdhënësve atëkohë ishte i kundërligjshëm.

KTV-ja ka kontaktuar me disa prej mësimdhënësve, të cilët e kanë fituar rastin në gjykatë, por ata nuk kanë dashur të flasin për këtë vendim.

Derisa në Agjencinë për Arsim dhe Aftësim Profesional kanë thënë se u duhet më shumë kohë për të kthyer përgjigje për këtë çështje.