Nënshkruhet marrëveshja për sigurimet shoqërore mes Shqipërisë dhe Bullgarisë
Kryeministri Edi Rama ka njoftuar sot se Shqipëria dhe Bullgaria kanë nënshkruar marrëveshje për sigurimet shoqërore.
“Shqipëria shënon një tjetër sukses në njohjen e sigurimeve shoqërore për shtetasit shqiptarë jashtë vendit. Marrëveshja rregullon sigurimin e shtetasve të Bullgarisë dhe Shqipërisë kur punojnë në të dy vendet, garanton të drejtat e tyre të sigurimit, pagesës së përfitimeve në rast sëmundjesh ose aksidentesh në profesion, si edhe kushtet për dhënien e llojeve të ndryshme të pensioneve”, shkruan Rama në rrjete sociale.
