Vlora Çitaku
Nënkryetarja e PDK-së: Kërkesat e mbrojtjes së ish-krerëve të UÇK-së kanë hasur në vesh të shurdhër
Mbajtja e ish-udhëheqësve të Ushtrisë Çlirimtare të Kosovës në Hagë ishte një nga temat që u trajtua në emisionin “Frontal” me nënkryetaren e Partisë Demokratike të Kosovës, Vlora Çitaku.
Ajo ka bërë të ditur se përfaqësuesit e mbrojtjes së, Hashim Thaçit, Kadri Veselit, Jakup Krasniqi e Rexhep Selimit kanë bërë një kërkesë për fonde në Ministrinë e Drejtësisë.
“Ka pasur një kërkesë nga përfaqësuesit e katër liderëve të Ushtrisë Çlirimtare të Kosovës dhe jo vetëm nga mbrojtja e Hashim Thaçit mirëpo fatkeqësisht një kërkesë e tillë duket se ka hasur në vesh të shurdhër.”
Avokatët e ish-presidentit Hashim Thaçi në Gjykatën Speciale kishin paralajmëruar se do të tërhiqen nga mbrojtja pasi nuk janë paguar për punën e bërë.
