Një protestë në mbështetje të Palestinës është mbajtur sot në qendër të Novi Sadit. Disa të mbledhur, kryesisht burra, bërtitën parulla në sheshin qendror të qytetit, me mesazhin se “tani është momenti për t’i thënë mjaft pushtimit izraelit”.

Ata kënduan vargje ku bënin thirrje për çlirimin e Palestinës dhe e quanin pushtimin krim, transmeton Ballkani.info.

Gjithashtu, në një nga vargjet Gazës i thuhej të mos qajë, se nuk do ta lënë kurrë të vdesë.

Të tubuarit mbanin flamujt e Serbisë dhe Palestinës.

Izraeli dhe Palestina kanë hyrë në një tjetër konflikt në një seri dekadash, pasi Hamasi palestinez sulmoi Izraelin.

Bota u trondit pas publikimit të lajmeve, fotove dhe dëshmive të krimit të kryer nga Hamasi mbi pjesëmarrësit e një festivali muzikor pranë Rripit të Gazës. Më shumë se 250 njerëz u vranë atëherë.

Pas kësaj, Izraeli filloi një operacion ushtarak në Gaza.

Në disa ditë konflikti në Palestinë, 1800 njerëz u vranë dhe më shumë se 6300 u plagosën.

Më shumë se 1,300 njerëz u vranë dhe rreth 3,400 u plagosën në sulmin e Hamasit në Izrael.

Marrëdhëniet mes Izraelit dhe Palestinës janë të ndërlikuara, konfliktet kanë zgjatur për dekada, me krime nga të dyja palët dhe periudha armëpushimi. /Ballkani.info/