Në 19 qytete mbahet Panairi i Sportit
Komiteti Olimpik i Kosovës do të vazhdojë me masivizimin e sportit në Kosovë, duke organizuar aktivitete të cilat kanë për qëllim joshjen e fëmijëve për t’u marrë me sport.
Për këtë, KOK do të organizojë edicionin e pestë të Panairit të Sportit, i cili do të mbahet sot në shumicën e komunave të Kosovës.
22 tetori koincidon me pesë vjetorin e njohjes së Komitetit Olimpik të Kosovës nga Bordi Ekzekutiv i Komitetit Olimpik Ndërkombëtar.
Ferizaj, Mitrovica, Drenasi, Vushtrria, Deçani, Obiliqi, Vitia, Kaçaniku, Fushë Kosova, Rahoveci, Podujeva, Lipjani, Gjilani, Gjakova, Hani i Elezit, Peja, Suhareka, Istogu, Kamenica, Skenderaj dhe Malisheva i kanë thënë ‘po’ organizimit të panairit.
Panairi i Sportit ka për qëllim të promovojë sportet, klubet dhe rezultatet e arritura nga sportistët e komunës, po ashtu t’ju krijojë mundësinë fëmijëve të shkollave fillore që të shohin nga afër praktikimin e sporteve dhe që ata të kenë mundësinë të regjistrohen në klubet e sportet që ata pëlqejnë më shumë.
