PW

Ndryshon moti në Kosovë, ja parashikimi për 5 ditët e ardhshme

Dy ditët në vijim mot jostabil me shi e bubullima. Temperaturat në rënie. Nga mbrëmja e së dieles sërish shi, e të hënën më ftohtë dhe me shi.

Në ditët e ardhshme pritet të kemi mot më jostabil, ku priten të reshura shiu e bubullima, e temperaturat ditën e premte pësojnë një rënie.Dita e shtunë sjell shkurtimisht pushim nga të reshurat me më shumë diell. Mirëpo nga e diela mbrëma sërish priten të reshura të cilat vijojnë edhe ditën e fundit të muajit maj, derisa temperaturat ka gjasa të pësojnë rënie edhe nën 15C.

Edhe gjatë ditëve të ardhshme cilësia e ajrit në përjgithësi mbetet përreth vlerave të pranueshme dhe të mira.Indeksi i rrezeve UV do të jetë në vlera më të larta vetëm gjatë ditës së nesërme dhe të shtunën, e në këto raste preferohet të reduktohet qëndrimi në rrezet e diellit orëve të mesditës, ndërsa të premten e të dielen pritet të jetë në vlera mesatare.

27.05 – Vransira dhe intervale me diell gjatë ditës. Pasdite dhe në mbrëmje priten zhvillime të shtrëngatave me shi. Vende-vende reshjet do të jenë mjaft intenzive, e nuk përjashtohet mundësi edhe për breshër.

28.05 – Vransira me të reshura shiu që nga orët e mëngjesit, që shoqërohen edhe me bubullima gjatë ditës. Të reshurat pritet të pushojnë deri në mbrëmje.

29.05 – Kryesisht me diell dhe jo aq ngrohtë. Herë herë me vransira kalimtare, por pa mundësi për të reshura.30.05 – Paradite pjesërisht vranët, e gjatë ditës vransirat shtohen. Në mbrëmje priten të reshura shiu.

31.05 – Ftohtë, kryesisht me vransira e kohëpaskohe me reshje shiu.Temperaturat e ajrit gradualisht në rënie, minimalet zbresin deri në 7C në fundjavë, e maksimalet nga 25C ditën e enjte, zbresin në 17C ditën e premte, për të shënuar një rritje të lehtë në fundjavë përreth 20C.Era do të fryj e lehtë dhe mesatare kryesisht nga krahu verior 2-11m/s.Shtypja atmosferike fillimisht në vlera të larta, e të enjten me tendencë të rënies. /PrishtinaWeather/