Ndonëse vozit vet veturën e tij luksoze, Ronaldo është i shoqëruar vazhdimisht nga truprojet e tij me një eskortë
Cristiano Ronaldo është mësuar të jetë i rrethuar me njerëz gjatë viteve dhe tani sulmuesi portugez e ka çuar kuptimin në një nivel të ri jashtë fushës.
Ndërsa 36-vjeçari u nis drejt stërvitjes të enjten në mëngjes, Ronaldo u pa duke vozitur veturën e tij luksoze të markës “Bentley” në Carrington me dy truprojat e tij personale që e ndiqnin nga afër.
Kjo paraqitje e tij vjen në mëngjes pasi United mbeti jashtë Kupës Carabao, me Bruno Fernandes dhe Co që humbën 1-0 nga West Ham, shkruan DailyMail.
Dhe nuk është hera e parë që Ronaldo është fotografuar me rojet e tij të sigurisë.
Ata u kapën nga paparacët, duke ndihmuar Ronaldon të hipte në një aeroplan me pjesën tjetër të skuadrës së United në fillim të këtij muaji, ndërsa ata po niseshin për në Zvicër për të përballur me Young Boys në Ligën e Kampionëve – një lojë të cilën Ronaldo shënoi, por United humbi në mënyrë spektakolare.
Të dy truprojet zakonisht rrinë afër Ronaldos pasi u ngarkuan me detyrën që ta mbajnë atë të sigurt dhe jashtë telasheve kur të kthehet në Angli.
Ndërsa dy rojet e sigurisë kanë qenë me Ronaldon për një kohë tani, burimet pranë futbollisti thonë se lojtari ka përdorur sigurimin gjatë gjithë kohës për ta mbrojtur atë, duke pasur parasysh statusin e tij prej një super ylli ndërkombëtar.
Një raportim nga DailyStar pohoi se ekipi i tij i truprojave përbëhet nga ish-ushtarë, oficerë policie dhe ‘oficerë të mbrojtjes së ngushtë’.
