Ndihmë sociale 24.526 familje, pensione të moshës 131.461 vetë
Agjencia e Statistikave të Kosovës (ASK) ka publikuar statistikat e mirëqenies sociale të tremujorit të tretë (TM3) të sivjetshëm.
Sipas rezultateve të dala nga ky publikim, rezulton se nga skema e ndihmës sociale kanë përfituar 24 526 familje me gjithsej 99 718 anëtarë; dhe nga skema për mbështetje materiale familjeve që kanë fëmijë me aftësi të kufizuara 2 193 familje të tjera.
Ndërkaq, nga skema e pensioneve në bazë të moshës janë 131 461 përfitues, nga ajo kontributpaguese të moshës janë 46 980 përfitues; nga skema për pensionet familjare janë 3 903 përfitues, nga skema për pensionet invalidore 106 përfitues; nga skema për pensionet e Trepçës janë 2 697 përfitues; nga skema e pensioneve të Trupave Mbrojtëse të Kosovës janë 1 084 përfitues; nga skema e pensioneve për Forcën e Sigurisë së Kosovës janë 542 përfitues; nga skema e kompensimeve për personat e verbër janë 1 932 përfitues; nga skema e pensioneve për personat me aftësi të kufizuara janë 17 883 përfitues; nga skema për pensionet e personave paraplegjik dhe tetraplegjik janë 3 107 përfitues.
Kurse, nga skema për familjet e dëshmorëve dhe invalidët e luftës janë 13 417 përfitues dhe nga skema për veteranët e luftës janë 38. 120 përfitues.
Në TM3 2019 janë braktisur 7 fëmijë.
Për më shumë informata lidhur me “Statistikat e Mirëqenies Sociale”, vizitoni: http://ask.rks-gov.net/sq/agjencia-e-statistikave-te-kosoves/sociale/shendetesia-dhe-mireqenia-sociale
