Ndalet rryma në lagjen Mati1, një burrë dhe një fëmijë mbesin të bllokuar në lift
Një burrë dhe një fëmijë kanë mbetur të bllokuar në liftin e ndërtesës, si pasojë e ndërprerjes së rrymës në rrugën “Agush Isufi” në lagjen Mati1 në Prishtinë.
Demokracia.com ka siguruar pamje nga vendi i ngjarjes ku shihet se kanë arritur edhe ekipet e zjarrfikësve.
Ekipet e zjarrfikëseve në këto momente janë duke bërë përpjekje për nxjerrjen e të bllokuarve nga lifti.
Ndryshe, ditëve të fundit shumë qytetarë kanë mbetur të bllokuar në lifte për shkak të reduktimeve të rrymës. /Demokracia.com/