“Nami” në Turqi për orën me vlerë 30 mijë euro të gruas së Erdoganit

Jeta luksoze e familjes së presidentit turk Rexhep Tajip Erdogan shënjestrohet vazhdimisht nga opozita, në një kohë ku vendi ndodhet përballë krizës ekonomike dhe varfërisë.

Këtë herë, Emine Erdogan , gruaja e presidentit turk , u vu në qendër të vëmendjes për shkak të orës së shtrenjtë që ajo mban.

Duke komentuar një libër të fundit të Emine Erdogan të titulluar ” Udhëtimet e mia në Afrikë “, deputeti prusian nga “Partia e Mirë” (Iyi Parti) Ahmet Erozan komentoi me ironi: “Tajipi shkruan, a nuk do të shkruajë dhe zonja Emine? Libri “Udhëtimet e mia në Afrikë” është publikuar,. Në harmoni me varfërinë e Afrikës, ora e dorës Chopard Happy Diamonts … Nëse nuk është imitim, çmimi ores fillon nga 30,000 euro “.

Libri ” Udhëtimet e mia Afrikane ” është libri parë që është firmosur nga Emine Erdogan dhe është një përmbledhje e përshtypjeve dhe kujtimeve nga udhëtimet e saj në Afrikë, pas vizitave zyrtare të Tajip Erdogan.

Libri do të dalë në libraritë në Turqi në fillim të tetorit dhe sipas Anadolu, zonja e parë e vendit do t’ia prezantojë atë grave të presidentëve dhe kryeministrave gjatë qëndrimit të çiftit në Nju Jork për samitin vjetor të OKB -së.

"Nami" në Turqi për orën me vlerë 30 mijë

Librin, të cilin Emine Erdogan ia ka kushtuar nënës së saj, ajo përshkruan përshtypjet e saj nga vizitat e saj në 32 vende afrikane në periudhën 2014-2020 (Algjeri, Guinea Ekuatoriale, Etiopi, Xhibuti, Somali, C Εte d’Ivoire, Gana, Nigeria, Guinea, Uganda, Kenia, Tanzania, Mozambiku, Madagaskari, Sudani, Çadi, Tunizia, Mauritania, Mali, Republika e Afrikës së Jugut, Zambia, Gambia dhe Senegali)

Libri do të botohet gjithashtu në anglisht, frëngjisht, arabisht dhe suahilisht nga firmat ndërkombëtare.