Mustafa: Bazuar në politikat që ka, asnjë parti s’është më afër komunizmit se VV

Për shkak të veprimtarisë së tij para luftës së 99-tës, Isa Mustafa shpesh nga konkurrentët e tij politik është quajtur komunist. Këto thirrje më së shumti kanë ardhur nga Vetëvendosje.

E në një intervistë për lajmi.net, Mustafa thotë se bazuar në politikat që ka, Vetëvendosja është partia që është më së afër komunizmit.

“Nëse e marim në politikat partiake, asnjë parti më afër komunizmit se Vetëvendosje s’është, në pikëpamje të politikave, udhëheqjes dhe konceptit ekonomik sepse ata akoma preferojnë pronën publike dhe kompanitë publike. Në periudhën të cilën ne e kemi kaluar, në qoftë se do të pajtohemi me komunizmin edhe me sistemin komunist, edhe unë edhe tjerët do ta kishim themeluar një parti komuniste e jo të bëheshim pjesë e LDK-së që është parti e qendrës së djathtë”, thotë Mustafa.