Musliu-VV’së: Ju që qeverisët me Prishtinën, krijuat një xhungël
Deputetja e Partisë Demokratike të Kosovës, Ganimete Musliu, ka kritikuar ashpër deputetët e Lëvizjes Vetëvendosje, lidhur me çështjen e të drejtave të personave me nevoja të veçanta.
Musliu tha para deputetëve që në mënyrë të tillë Vetëvendosje, po shfrytëzon tragjedinë e të tjerëve, për të fituar vota.
Ajo po ashtu tha se ata që qeverisën me Prishtinën, krijuan xhungël në njërën prej zonave më të ndjeshme të saj.
”Mjafton të shkoni me lagjen e Spitalit ju që keni qeverisur me Prishtinën dhe të shihni xhunglën që e keni krijuar atje”.
”Hajdeni mblidhemi bashkë ta kërkojmë përgjegjësinë këtu. Ne duhet të votojmë ligje, ne duhet të shiqojmë zbatueshmërinë e atyre ligjeve. Lëni hajgaret dhe mos e shfrytëzoni tragjedinë e dikujt vetëm për një grusht votash”, tha ajo.
