Muja, Fejza e Peci kanë marrë votat e nevojshme për deputetë
Lëvizja Vetëvendosje do të ketë tre deputetë nga Mitrovica në legjislaturën e re të Kuvendit të Kosovës.
Kjo pasi, siç ka mësuar Ballkani.info, tre kandidatët nga ky qytet, Armend Muja, Arjeta Fejza dhe Faton Peci, kanë marrë votat e nevojshme.
Portali ka mësuar se më i votuari nga kjo treshe është i sapoaderuari në VV dhe ish-njeriu i PDK-së, Armend Muja.
Muja ka arritur të marrë mbi 20 mijë vota në total. Peci, ndërkaq, mësohet të ketë marrë rreth 15 mijë e Arjeta Fejza afër 10 mijë.
Ndryshe, VV-ja ka dalë parti e parë në Mitrovicë me 63%, apo me afër 20000 vota.
