MPJ njofton se polici që u lëndua në Zhur është dërguar në Turqi për shërim
Artur Mrasori, polici i Republikës së Kosovës i cili mbeti i lënduar në incidentin që ndodhi në Zhur të Prizrenit, është nisur për trajtim jashtë vendit, në Turqi.
Sipas njoftimit të Ministrisë së Punëve të Jashtme, pas trajtimit që ka marrë në Qendrën Klinike dhe Universitare të Kosovës, gjendja shëndetësore e policit Mrasori është stabilizuar dhe është jashtë rrezikut për jetë.
“Për të siguruar një trajtim të mëtutjeshëm për gjendjen e tij, Mrasori është dërguar nga Fondi i Sigurimeve Shëndetësore të Kosovës në një spital në Turqi. Së bashku me policin Mrasori ka udhëtuar edhe babai i tij, Ganimet Mrasori”, thuhet në njoftim
