Parashikimi

Moti për dy ditët e ardhshme: Nxehtë e më nxehtë!

Parashikimi i motit për dy ditët në vijim:

Kryesisht me diell dhe shumë nxehtë. Të mërkurën temperaturat maksimale deri në 37C e 38C.

13.07.2021 – Mot shumë i nxehtë dhe kryesisht me kthjellime e diell. Përreth relieveve pasdite mund të ketë zhvillime të vransirave të pakta. Temperaturat në vise të ulëta luhaten nga 17C deri 36C, e në vise malore nga 14C deri 28C.

Do të fryjë erë e lehtë dhe mesatare nga jugperëndimi 3-7m/s. Indeksi UV shumë i lartë, ndaj orëve të mesditës preferohet t’i ikim ekspozimit në diell. Indeksi i cilësisë së ajrit në vlera të pranueshme, vetëm orëve të pasdites shkaku i rritjes së ozonit sipërfaqësor mund të kaloj edhe në vlera mesatare.

14.07.2021 – Kryesisht me diell dhe shumë nxehtë. Temperaturat në vise të ulëta lëvizin ndërmjet 18C deri 38C, e në vise malore 16C deri 29C. Era do të fryjë e lehtë dhe mesatare nga jugperëndimi 4-8m/s, e në Dukagjin me hove edhe deri në 13m/s.

Indeksi UV në vlera shumë të larta, ndaj orëve të mesditës duhet t’i shmangemi qëndrimit në rreze të diellit. Indeksi i cilësisë së ajrit në vlera të pranueshme, vetëm orëve të pasdites shkaku i rritjes së ozonit sipërfaqësor mund të kaloj edhe në vlera mesatare. /PrishtinaWeather/