Moti në Kosovë për të dielën

Instituti Hidrometeorologjik i Kosovës, njofton se dita e diele do të karakterizohet me mot kryesisht të vranët.

Vranësirat gjatë orëve të vona parashihen të sjellin riga shiu të shoqëruara me fjolla bore, derisa, në viset malore parashihen reshje bore të intensitetit të dobët deri mesatar.

“Në fushat barike pritet të ketë luhatje gjë që do të ndikojë që masat ajrore të jenë më aktive, prandaj cilësia e ajrit pritet të ketë një përmirësim gradual”, njofton IHMK-ja.

Tutje, parashikohet se temperaturat minimale do të lëvizin ndërmjet -3 deri -2 gradë Celsius, ndërsa maksimalet e ditës parashihen të lëvizin ndërmjet 5-7 gradë Celsius.

“Do të fryjë erë kryesisht nga kuadrati verilindor me shpejtësi 1-6m/s”, njofton IHMK-ja.