“Mos tentoni të punoni me viza turistike në Gjermani”
Shpesh kosovarët që marrin viza turistike tentojnë të punojnë në Gjermani, por megjithatë janë ndeshur me autoritetet gjermane me ç’rast morën edhe dënime.
Lars Dippel, avokat për çështjen e migracionit në Gjermani tha se kosovarët që marrin viza për Gjermani dhe që ato janë turistike “mos të tentojë të punojnë pasi që është vepër penale”.
Dippel po viziton Kosovën ku do të marrë pjesë edhe në Ditën e Avokatisë.
Ai ka folur edhe për viza të tjera siç është bashkimi familjarë.
“Gjermania kërkon të paktën 12 metra katror banim për person, njohuritë gjermane duhen të jenë themelore”, tha Dippel për televizionin publik.
Sipas tij, integrimi nuk është asimilim.
