Molliqaj shpërndan pamjet e arrestimit, thotë se ishte ndër më brutalet ndonjëherë
Kryetari i PSD-së, Dardan Molliqaj, ka shpërndarë pamjet e arrestimit të tij dhe dy aktivistëve tjerë të PSD-së sot. Ai ka thënë se dhuna policore që u përdor ishte ndër më brutalet ndonjëherë.
“Dhuna policore gjatë arrestimit të sotëm ishte ndër më brutalet ndonjëherë.”, shkruan ai.
Ai vë në pikëpyetje arsyen e arrestimit të tij dhe thotë se cili ishte qëllimi, kur u liruan vetëm dy orë më pas.
“E për çka? Që në fund të lirohemi pas 2 orësh? Rrjedha e ngjarjeve ndodhi kështu vetëm për një arsye: Pushteti po përndjek politikisht me gjithë aparatin shtetëror në dispozicion duke shkelur të gjitha procedurat ligjore në fuqi”, shkruan ai.
Në fund, Molliqaj thotë se pushteti po i shfaq kthetrat autoritare dhe po shtyp grupet e margjinalizuara.
“Pushteti po shpërfaq kthetrat autoritare; pak me shtypjen e grupeve të margjinalizuara e pak me arrestimin e jashtëligjshëm të opozitës. Kjo nuk na zmbraps as nuk na frikëson. Rezistenca vazhdon!”, përfundon Molliqaj.
