Hulumtimi i fundit

Mjafton vetëm një minutë vrapim për shëndetin e mirë të kockave

Një hulumtim i fundit tregon se aktiviteti fizik i shkurtër dhe intensiv zvogëlon rrezikun e humbjes së kockave dhe se vetëm disa minuta vrapim mund të forcojnë kockat tuaja.

Shkencëtarët britanikë kanë gjetur se gratë që janë të angazhuara në “aktivitet të shkurtër fizik” me intensitet të lartë, kanë një peshë më të lartë të kockave për 4% sesa ato më pak aktive, transmeton KosovaPress.

“Ende nuk e dimë nëse është më mirë të kryejmë një ushtrim të vogël gjatë gjithë ditës ose në një kohë dhe nëse ushtrimet më të gjata gjatë javës janë po aq të mira sa edhe ato që bëhen një ose dy minuta në ditë”, tha autorja e studimit Victoria Stiles, ligjëruese e Lartë për Sport dhe Shëndetësi në Universitetin Exeter.

Studiuesit krahasuan të dhënat me më shumë se 2.500 gra. Gjatë studimit, u analizua nëse intensitetet e shkurtra të intensitetit të lartë janë më të dobishme për shëndetin e kockave sesa për aktivitetet e gjata dhe të vazhdueshme. Duke vepruar kështu, aktivitetet e zakonshme të shkurtra gjatë ditës u injoruan.

Gratë që kanë ushtruar intensivisht më shumë se dy minuta çdo ditë kanë shëndet më të mirë të kockave 6 për qind.

Meqenëse ajo është e bazuar në një grup të caktuar të grave në një pikë të caktuar, është e paqartë nëse aktiviteti fizik i fortë ka përmirësuar shëndetin e kockave te gratë me kocka më të forta që ushtrojnë më shumë.

Pavarësisht nga çdo gjitha, të paktën një deri në dy minuta stërvitje në ditë ose vrapim intensiv është i mirë për shëndetin e kockave.