Përfaqësues Alternativ i Shteteve të Bashkuara për Çështjet e Posaçme Politike në Kombet e Bashkuara, Robert Wood, është takuar më 22 prill në Nju Jork me presidenten e Kosovës, Vjosa Osmani.
Në një njoftim të publikuar sot, thuhet se në këtë takim është biseduar për raportet e ngushta dhe të qëndrueshme mes dy palëve.
Wood në këtë takim ka theksuar aspiratën e SHBA-së për të gjitha vendet e Ballkanit Perëndimor që të ndërtojnë një integrim më të madh ekonomik, të forcojnë stabilitetin rajonal, demokracinë, dhe shoqëritë multi-etnike dhe të mbrojnë sundimin e ligjit.
Ai ka përsëritur pozicionin e SHBA-së për Kosovën dhe Serbinë që të marrin hapa konkret përpara përmes dialogut të lehtësuar nga Bashkimi Evropian.
“Ambasadori Wood nënvizoi aspiratat e SHBA-së për të gjitha vendet në Ballkanin Perëndimor për të ndërtuar një integrim më të madh ekonomik rajonal, për të nxitur stabilitetin rajonal, demokracinë dhe shoqëritë multi-etnike dhe për të mbrojtur sundimin e ligjit. Ambasadori Wood përsëriti thirrjen e Shteteve të Bashkuara për Kosovën dhe Serbinë që të ndërmarrin hapa konkretë përpara përmes dialogut të lehtësuar nga BE”, thuhet në njoftim.
Ambassador Wood met earlier this week with Kosovo President @VjosaOsmaniPRKS and expressed the U.S. support for an EU-facilitated dialogue to deliver economic integration, regional stability, and democracy to the people of Kosovo and Serbia. https://t.co/TdbPIrYBS8 pic.twitter.com/TGTpstTqqW
— U.S. Mission to the UN (@USUN) April 25, 2024







