Qeveria e Kosovës ka miratuar masat mbështetëse të Pakos së Ringjalljes ekonomike me mbi 100 milionë euro, nga të cilat përfitojnë rreth 800 mijë qytetarë.
Kryeministri Albin Kurti, tha se këto masa synojnë zbutjen e barrës financiare të këtyre ditëve.
Ministri i Financave, Hekuran Murati, ka thënë se ata që marrin mjete nga buxheti i shtetit do të përfitojnë nga ndihma në pagesën e ardhshme të rregullt, ndërsa ata të sektorit privat do të duhet të aplikojnë, ndërsa procedurat do të bëhen të ditura më vonë.
Ai ka thënë se s’do të mundësohet që dikush të bëjë dy tërheqje.







