Ministrja Haxhiu tregon se kur do të themelohet Instituti për krimet e kryera gjatë luftës
Ministrja e Drejtësisë, Albulena Haxhiu, në seancën e sotme që po mbahet në Kuvendin e Kosovës ka deklaruar se në muajin maj do të themelohet Instituti për krimet e kryera gjatë luftës në Kosovë.
Haxhiu gjithashtu tregoi se në Prokurorinë Speciale janë vetëm katër prokuror që trajtojnë gjitha lëndët e krimeve të luftës.
“Në maj do të nisim punën në themelimin e Institutit për krimet e kryera gjatë luftës në Kosovë si dhe do të fuqizojmë kapacitetet e Prokurorisë Speciale në adresimin e krimeve të luftës.”
“Aktualisht në Prokurorinë Speciale janë vetëm katër prokuror që trajtojnë gjitha lëndët e krimeve të luftës e konsiderohet që janë afër 800 apo 900 lëndë që janë të trashëguara nga EULEX-i”, tha ajo.
