Ministri Lluka i pikëlluar për vdekjen e Arianit, ngushëllon familjen Daci
Ministi i Zhvillimit Ekonomik, Valdrin Lluka, është shprehur i pikëlluar me rastin e vdekjes Arian Dacit, të birit të politikanit Nexhat Daci, i cili ishte në detyrën e zëvendësministrit të Diasporës.
Lluka e kujtuar Dacin si një person i cili ka punuar shumë për promovimin e Kosovës, dhe për përmirësimin e raporteve me diasporën.
“Shumë i pikëlluar me humbjen e mikut dhe zv. Ministrit të diasporës, Arian Daci, gjatë një orteku sot në Brezovicë.Ariani ishte shumë i përkushtuar në promovimin e vendit, në zhvillimin e raporteve me diasporën dhe fliste me pasion rreth politikave ambicioze për zhvillim të Kosovës përmes diasporës”, ka shkruar Lluka.
Ministri u ka shprehur ngushëllime familjes Daci dhe të gjithë atyre që kishin punuar me Arinain në ministri të Diasporës.
“Familjes Daci, miqve të Arianit, kabinetit qeveritar dhe stafit të Ministrisë së Diasporës i shprehu ngushëllimet më të sinqerta. Pusho i qetë Arian!”, ka përfunduar ministri Lluka.
Arian Daci ka humbur tragjikisht jetën sot në Brezovicë, pasi është zënë nga një ortek bore. Bashkë me të ka qenë edhe shoku i tij, Ardian Bakalli, i cili ka pësuar lëndime dhe është jashtë rrezikut për jetë.
