Video
Mesha për Pashkët, Imzot Dodë Gjergji përcolli mesazhe paqeje
Në vigjilje të Pashkëve Katolike, në Katedralen ‘Nënë Tereza’ në Prishtinë u mbajt mesha e pashkëve.
Ipeshkvi I Kosovës, Imzot Dodë Gjergji nga kjo meshë përcolli mesazhe paqeje, ndërsa u lut për më shumë mbarësi për besimtarët.
Imzot Dodë Gjergji duke uruar qytetarët e besimit katolik për festën e Pashkëve, ka ftuar të gjithë njerëzit, të bëjnë ç’është e mundur, që të mbizotërojë paqja e vërtetë, harmonia, barazia dhe toleranca fetare.
Pashkët janë festa e Ringjalljes së tij nga të vdekurit. Besimtarët katolikë presin të dielën e Pashkës, e cila njihet ndryshe si Dita e Ringjalljes, duke kaluar më parë nga Udha e Kryqit të së Premtes.
